16.9.10
21.7.10
Nacionalismu
¡Ah! Pero, ¿el nacionalismu yera esto?
Porque entós igual toi equivocada y nun soi nacionalista.
12.7.10
11.7.10
El país y la castaña
Esto yé un país:
Y esto ye una castaña:
Pero, cudiáu... la castaña puede convertise güei en campeona del mundiu:
6.7.10
13.6.10
Nacionalismu y Mundial
Y los nacionalistes asturianos... ¿con qué selección deben dir nel Mundial? ¿Hai dalguna norma? Porque si l'asuntu yé dir cola que más compatriotes tien, al móu que faen los candidatos a la presidencia del FC Barcelona, toca España. Anque tamién pue ser que heba dalgún "hermanu" mirandés na selección de Portugal. O que la de México tea dalgún descendiente d'asturianos. Tamién pue salise del pasu diciendo que'l fútbol yé una manifestación del capitalismu y un mecanismu de control social. Claro que en Cuba y Corea del Norte tamien xueguen fútbol... Yé too tan complicao...
Sedré clara: voi con España. Y al que nun-y guste... zúquiri (que yera como mio güela-y llamaba al azucre).
11.6.10
De vuelta
Depués de 53 díes de xestación, un partu múltiplu y nueve selmanes de teta toi de vuelta. ¿Y qué alcuentro? Una tromba d'agua qu'arrasa la costa asturiana; axustes salariales; subides fiscales; anuncios de reformes llaborales que, como siempre, perxudicarán a los más débiles; un monumental vertíu d'esquistu nel llitoral norteamericanu; l'anunciu del cierre de Chupa Chups n'Asturies -onde nació va 52 años-; al gobiernu español perperdíu nuna crisis que lu puede, y un estudiu xaponés que diz que les ondes del teléfonu móvil perxudiquen el comportamientu sexual de los coneyos... ¿Tendrá vuelta too esto? ¡Colo bien que taba yo fuera'l mundiu!
2.3.10
Una casa en Tanyer
L'ex presidente del Gobiernu d'España Felipe González, del PSOE, ta construyendo una casa en primera llinia de playa na turística ciudá de Tányer (Marruecos), con accesu direutu al sable. La villa ta valorada en 2,5 millones d'euros (416 millones de pesetes) y constrúyese nun tarrén que yera propiedá de la Casa Real alauí. Tendrá 2.200 metros cuadrados construyíos, repartíos nuna casona principal de 600 metros, otra casa pal serviciu, garaxes, patios, porches y piscina. Too ello, nuna parcela de más de 5.000 metros cuadraos na playa de Jbila.
Dicía mio güelina, la rapiega Xosefa, que siempre hebo ricos y probes. La gracia ta en distinguilos.
Más información:
El Mundo (noticia orixinal)
29.1.10
La llealtá y la boina
Esti día lleo que'l presuntu direutor del Museu de Grandas, el catalanuparllante Francisco Cuesta Toribio, que pasaba perhí xusto cuando a Pepe el Ferreriro-y daben una patada en culu, diz que lo importante yé "la llealtá a la institución". Y quien diz "institución", diz "al gobiernu que me nomó a deu". Home, importante yé la honestidá, la dignidá, la xusticia, la bondá...
Llegaos a esti puntu namás voi dicir una cosa: la esperiencia demuestra que cuando discuten la Administración y un paisanu con boina... siempre, sin esceición, tien razón el de la boina.
15.1.10
6.1.10
Dos tránsitos
Esti día doime cuenta de que na vida del ser humanu hai dos momentos especialmente trascendentales, dos tránsitos. El primeru llega cuando dexes de creyer nos Reis Magos. Yè'l pasu de la infancia a la preadolescencia, la fin de la inocencia. El segundu ocurre cuando pescancies el to error y comprendes que, en realidá, los Reis Magos sí esisten. Y que los conoces como a ti mesmu. Yé'l pasu de la xuventú a la madurez, la nueva perspectiva que dan los fíos. Pela mio casa acaben de pasar los Reis Magos. Lo xuro.
Suscribirse a:
Entradas (Atom)