Esti día lleo varies noticies nos papeles que, axuntaes, paecen un chiste.
Por un lláu, Unión Fenosa tuvo un beneficiu netu de 899 millones d'euros nos primeros nueve meses d'esti añu, lo que supón un 27,6 por cientu más que nel mesmu períodu de 2007.
Por otru, les llétriques calculen que'l preciu de la lluz tien que xubir ente un 20 y un 25 por cientu. El presidente de la patronal llétrica, Pedro Rivero, dixo que la xubida del 11,3 por cientu propuesta pola Comisión Nacional de la Enerxía (CNE) sirvirá namás p'atapar "l'incrementu adicional del déficit tarifariu" y pa frenar qu'esti "desaxuste" nun vaya a más, pero non pa reflexar los costes de mercáu.
Finalmente, Unesa calcula que p'acabar colos cerca de 14.550 millones d'euros de déficit de tarifa acumuláu, cada consumidor debería pagar una media de 577 euros, y alvirtió de que cuantu más s'axuste agora la tarifa menor sedrá l'endeudamientu futuru de los clientes.
Conclusión: pa ellos nunca hai crisis. Ellos ganen más que nunca. Y amás quieren que seyan los consumidores, los clientes los que paguen los supuestos "déficits tarifarios", los presuntos "desaxustes" y hasta los "incrementos adicionales" de bla, bla, bla. Eso sí a ellos nun-yos pidas que dexen de viaxar en primera.
Too esto ye un chiste. Pero un chiste malu, malísimu. Un chiste que nun tiene gracia nenguna. Anque ellos nun paren de rise, los mui...
3 comentarios:
prestame abondo el to blog ,,, el problema nun ye lo que gana fenosa,,, bien por ellos ,, el problema ye comu lo fain ,,,
tienes razon lo que dices nun hay dulda ,, agora ,,
si tuvieremos un mercau llibre de la enerxia , en verde decidir los precios un politicastru ,,,
A) union fenosa nun ganaria les sos perres tan facilmente
B) pagariemos menos ,,,
pero mientres mande l'amu politicu y los precios los decida un burocrata ye lo que hay ,,,
Anque paeza un milagru porque soi un xanu, entiendo les sos cuentes:
"Si quiero ganar cincuenta y gano trenta toi perdiendo venti y tienen que m'ayudar tolos contribuyentes".
Yá se ve que malu ye pá Estáu que namás que baxen los sos beneficios toles empreses curren p'abellugase con elli.
Esi ye'l mercáu que too lo iguará.
Já.
Y Marx descoyonándose.
Publicar un comentario