Esti día armóse la tremolina porque'l Papa Benedito XVI dixo en Camerún que los preservativos namás agranden el problema del sida. Salió entós el secretariu xeneral de Sanidá del Gobiernu español, José Martínez Olmos, y señaló que'l Papa ta "mui mal aconseyáu", polo que-y recomendo entonar el "mea culpa" y rectificar les sos recomendaciones, pa faceles "sobre la base de la evidencia científica". Faime gracia esí afán d'unu y d'otru por indica-y a tol mundu lo que tien que dicir y que pensar.
El Papa puede dicir lo que quiera, y el restu de los mortales tiene dos opciones: face-y casu o pasar d'elli. Supónse que los creyentes siguirán los sos recomendaciones (o non), y que los que nun creyen, o nun creyen lo mesmo que Benedito XVI, les sos pallabres entrarán-yos por un oyíu y saldrán-yos pol otru (o non). El Papa, cuando fala d'estes coses, diríxese a los católicos, que lu reconocen como'l so xefe espiritual y relixosu. Más que nada porque dirixise a los non-católicos sedría una babayada, pues pa ellos nun tien denguna autoridá, nin moral, nin relixosa". Asi que'l Papa fai lo que tien que facer. Fai bien.
El tal Martínez Olmos tiene tamién derechu a dicir lo que quiera, a criticar al Papa y hasta a asegurar que'l preservativu ye'l meyor inventu de la historia. Lo que nun me paez bien ye qu'esixa al Papa que rectifique. Y más que quiera que les manifestaciones de la másima autoridá de la Iglesia católica (apostólica y romana) se basen na "evidencia científica". Ye como si'l Papa-y esixera al secretariu xeneral que basara les sos pallabres na fe y nel temor de Dios.
Martínez Olmos nun fala como dirixente del PSOE, sinón como integrante d'un gobiernu que lo ye de tolos ciudadanos, los creyentes, los non creyentes, los ateos y los agnósticos. Asina que peme que los sos manifestaciones nun son acertaes.
Lo mesmo había que pidi-y a Martínez Olmos que rectificara, pero entós cayeríemos nel mesmu error qu'elli. Asina, que diga lo que-y pete, y que caún-y faiga'l casu que-y apeteza. Como al otru.
A mi nin m'afecta lo que dixo Xuan, nin m'afecta lo que dixo Pepe. Nun necesito, de momentu, guíes; nin espirituales, nin políticos.
7 comentarios:
Home, yo creo que tamos falando de salú pública y eso sí ye d'ámbitu estatal. Mesmo lo que se fizo coles empreses de tabacu. Nun se pue permitir que s'afale dende organismos o empreses una actitú tan alloriante como la qu'encamienta'l Papa, tan a la escontra de la salú de tolos ciudadanos. Sobre too, depués de toles campañes que se ficieron pol usu del preservativu. Y ehí sí tien que l'estáu poner los puntos sobre les is. Mesmo que l'otru babayu expresidente qu'afalaba conducir bebíu. Eses coses nun se pueden permitir, hai vides en xuegu. Ye una opinión. Saludos.
Suscribo lo dicho por Ricardo. Y voi añadir que dicir que solo fala pa los católicos, ye muncho dicir. Fala pa los gobiernos y si pudieren gobernar ellos habien ministros (que nunca ministres) con sotana. Y dalguna vez meteran la pata que son humanos anque con gracia divina, mira lo de la campaña del lince, que nun ye ibéricu. Y tien suerte que solo piden-y rectificar, Txomin (en LLanes) casi acaba nel talego por expresase na camiseta. Saludos y norabuena pol blogue.
Pero si'l casu ye tan cenciellu como face-y al Papa'l casu que merez. Yo nun entiendo porque vos afecta tanto. Pa mi ye como si falara, pongamos, Sara Montiel o Cgiquito de la Calzada. Y la xente que-y faga casu tamién ta nel so derechu de facelo. Amás, el Papa nun diz que heba que tener rellaciones sesuales ensín preservativu, Ricardo, lo que diz ye que hai que prauticar la castidá fuera'l matrimoñu, que ye bien diferente. Quiero dicir que si se prauticara lo que diz el Papa seguramente habría munchu menos sida nel mundu. Lo que nun quier dicir nin que tenga razón, ni que heba que face-y casu. Quede claro, por si acasu.
Y, Ricardo, peme que nun tamos falando de salú pública -polo menos non solo de salú pública-, sinón de convicciones profundes y personales. Los católicos piensen qu'usar preservativos ye pecáu y inmoral. Y tienen derechu a dicilo; el mesmu derechu que los non-católicos a dicir que de pecáu y d'inmoral nada de nada. La llibertá debe ser pa toos, tamién pa los que nun tienen razón.
Acabo de lleer esta noticia.
"El Vaticanu acusa a les multinacionales d'invadir África y apropiase de los sos recursos naturales"
Lo que demuestra que'l Vaticano, o el Papa que ye lo mesmo, nun solo dicen babayaes, ¿non?
(Ye que me presta defender lo indefendible)
pues si solo babayaes ,,,les dos ,,, lo de los condones una babayada ( a la que tienen drechu claro) ,,, lo de les multinacionales , una concesion al discursu victimista ya antioccidental del progresismu mundial ,,, nun vos molestar en facer na too ye culpa de dianhu blancu ( nos )que vos oprime ,,, la vieya matraca del imperialismu ,,, un muy probe favor a los africanos que yo toy convenciu tienen en casa la raiz pero tamien la solucion a los sos problemes ,,,
Babayaes eso si de naturaleza distinta ,,, igual de fates les dos ,,,
yo tamien soy polemicu ya lo ves ;-)
Pa mí la Ilesia ye otra muktinacional que engaña a la xente, róbanos a toos y manden misioneros a África pa aculturizalos y colonizalos.
Publicar un comentario