14.8.09

La SGAE zalamea

Depués d'un mes y mediu de vacaciones nuna cueva de cinco estrelles en Monte Cayón -les rapiegues riques somos asina- alcuentro'l mundiu igual que cuando m'apeé. En crisis y casi sin plumes, pero cacarexando.

Préstame, sobre too, la campaña d'imaxe de la SGAE (Sociedá Xeneral d'Autores d'España). Naide como esta entidá y'l so presidente, Teddy Bautista, pa facer amigos. La SGAE pide-y al Conceyu de Zalamea 24.000 euros por representar la obra "L'alcalde de Zalamea", escrita nel añu 1636 por un talu Calderón de la Barca, que tovía nun yé miembru -que se sepa- de la dicha sociedá. La SGAE, la mesma que quier cobrar poles gaites de les romeríes asturianes, polos radiocasetes de les carniceríes y hasta pol soníu rinchón de les terlices, ta faciéndolo de cine. Yé, con diferencia, el colectivu más queríu del país y la so popularidá xorrez por momentos.

Deséo-yos a la SGAE y al Bautista -el mesmu que canciaba aquello de "Si no te ríes de tu propio culo acabarás tomándotelo en serio"- munchu ésitu nesta nueva campaña, que me paez peracertada y mui oportuna.

Enllaces;

Pa saber más de Calderón de la Barca calca equí.
Pa lleer el comunicáu de la SGAE sobre l'asuntu calca equí.
Pa otra visión de la SGAE calca equi.
Pa llibrate de la SGAE calca equí.
Páxina contra el canon de la SGAE equí.
Más coses sobre la SGAE equí y equí.

6 comentarios:

ayalgueru dijo...

well well ,,, nun te voy dicir que nun tengas razon ( tienensla ) pero lo malo nun ye la SGAE ... ye el que escribe y da cursu llegal a les lleis que permiten a la SGAE cobranos ,,,

ayalgueru dijo...

well well ,,, nun te voy dicir que nun tengas razon ( tienensla ) pero lo malo nun ye la SGAE ... ye el que escribe y da cursu llegal a les lleis que permiten a la SGAE cobranos ,,,

Lluis de Turiellos dijo...

El llau bonu d'esti tipu de noticies ye qu'hai dalgunos que nos dan vergoña ayena. Lo que nun dexa de ser una manera como otra de tener vergoña. Pallabra que desconocen dafechu los d'esa sociedá tan peculiar...
(Y un saludín candial d'esti xanu y collaciu de bloguesfera)

Xuan Xosé Sánchez Vicente dijo...

¿Apigaza la rapiega o faise la dormiyosa?

Rapiega dijo...
Este comentario ha sido eliminado por el autor.
Rapiega dijo...

Ye esti branu críticu, Xuanín del alma, colos montes y los maizales enllenos de xente. Muncha xente con poques perres y mui vocinglera. Y a mi, que me presta la soledá y el silenciu, tanta xente y tantu ruíu quítenme les ganes de buscar requexos wi-fi onde me conectar a la Rede. La seronda dexarálo too como debe.