Esti día quiero ser progre. Dióme perhí. Quiero ganar 78.791,28 euros (13.109.766 pesetes) al añu. Pa los de lletres: más de un millón al mes. Un sueldín curiosu, pa dir tirando. Quiero tener coche oficial, pero un coche grandón, d'espatarrar, y gastos pagos. Quiero un plan de pensiones pa cobrar la xubilación másima en trabayando 11 años (los 35 namai se-y esixen a la plebe). Quiero vivir nun áticu de 220 metros cuadraos, nel centru de Madrid, gratis total, que pagar alquiler ye de probetones. Quiero disponer de 250.000 euros (41,6 millones de pesetes) de dineru públicu pa reformar el pisín como me pete. Y, sobre tóu, quiero que l'Estáu me regale 11.000 euros (1,8 millones de pesetes) pa camudar el mobiliariu del escusáu. Pa cagar a gustu, como de xuru yá lo fai el ministru de Xusticia, Mariano Fernández Bermejo, progre ente los progres.
3 comentarios:
Un progre ye un ciudadanu con complexu d'inferioridá, amazcaráu de defensor de los probes, y que-y falta tiempu pa tirase de calón ellí onde hai poder y dineru.
Tolos progres que conozo son unos caradures. En cuantu pueden, trinquen. Y, ¡hale!, a vivir como los de dereches.
Los progres morrieron toos de sobredosis, a lo más tardar, na década de los setenta. Losd que quedaron nun yeren progres, diben de progres, que ye distinto. Los que huei se dicen progres nun son más que puru marketing, pijerío, superficialidá.
Publicar un comentario