10.1.11

L'arguyu y la derecha estrema

Esti día entereme pol voceru del PSOE na Xunta Xeneral, Fernando Lastra, de que soi d'estrema derecha (como don Pelayo, Favila, l'osu que lu mató, Gonzalo Peláez, el padre Feijoó, Antón de Marirreguera, el cura de La Piñera y la molinera que-y tocaba la gaita, Xosefa de Xovellanos, Xosé Caveda, Jovellanos, el quesu Cabrales, Apolinar de Rato, Pepín de Pría, "El Tarangu", Lorenzo Novo Mier, la Santina, "Montesín", el xiringüelu, el raposu, el cuquiellu, la vaca "Cordera", la gocha "Antona", Paniceres, "Los Berrones", "Cuchichi", Remis Ovalle, "La Pastorina", les madreñes, el Nuberu, les xanes, la borona preñada, la fabada, la sidra, el pantruque, el compangu, el Picu Urriellu, la montera picona y les madres que parieron a toos esos impresentables que nun dicen más que babayaes y que s'empeñen en politizar hasta los más ocultos pensamientos).

Sí debo ser d'estrema derecha porque (tovía y pese a estos pamplinos compatriotes) toi arguyosa de ser asturiana.

1 comentario:

alloriau dijo...

Yá ves,ta lastra,esi xenocida cultural, guapu pa falar d'estrema derecha.Cada vegada da más noxu pensar qu'esa xentecaya tea ehí escoyida pol pueblu asturianu..