Esti día delles frases d'Obama:
- Si nun hai un güeyu vixilante, el mercáu puede salise de control.
- Estaos Xuníos ye amiga de cada nación, de cada home muyer y neñu que quiera un futuru de paz y dignidá, y tamos preparaos pa retomar el lideralgu.
- Siguimos siendo la nación más próspera y poderosa del mundu; los nuesos trabayadores nun son menos productivos que cuando entamó la crisis; la nuesa mente nun ye menos creativa; los nuesos bienes y servicios nun son menos necesarios que va una selmana, un mes o un añu; la nuesa capacidá mantiense.
- Llegó'l momentu d'abrazar la idea noble de que toos somos iguales, llibres y merecemos la oportunidá de dir a la gueta la felicidá.
- La pregunta que nos facemos güei nun ye si'l gobiernu ye mui grande o mui pequeñu, sinón si trabaya. Si ayuda a que les families alcuentren emplegos decentes, si-yos da'l cudiáu que necesiten y una xubilación digna. Si la respuesta ye "sí", siguiremos p'alantre; onde la respuesta seya "non", los programes acabaránse. Los que manexamos el dineru públicu debemos responder de ello -gastar con prudencia, camudar les males zunes y facer el nuesu trabayu a la lluz del día-, porque solo asina podremos reestablecer la necesaria confianza ente'l pueblu y el so gobiernu.
El discursu completu equí:
2 comentarios:
La fuérciga ente les pallabres y los fechos ye enorme. La realidá ye una llamarga ensin fondu onde puen zarapicar los meyores deseos y proyeutos. Namás que'l pasu'l tiempu estrema quien se sume nella y quien la resalva. Claro que pa entamar prefiero lleer estes pallabres que les babayaes coles qu'a diariu nos insulten la intelixencia los políticos que sufrimos per estos llares.
Un saludu, Rapiega. Presta comprobar que tas en plena forma...
Y a mi préstame sabete cerca.
Publicar un comentario