Esti día hai 13.896 millones de razones pa esi titular.
Ye'l beneficiu netu que sumaron, l'añu pasáu, el Bancu Santander (8.876 millones d'euros, 1,47 billones de pesetes) y el BBVA (5.020 millones d'euros, 835.257 millones de pesetes). Pa marease.
Y el Gobiernu ofreciéndo-yos perres (les de tolos ciudadanos, les nuestres) pa que la crisis nun los afecte.
Y enfrente millones de paraos, empreses zarraes, hipoteques, necesidá...
Ellos dirán "demagoxa". Yo digo "indecencia".
5 comentarios:
Pesllando empreses porque nun-yos dan un euru de créditu. Aforgugaos particulares porque nun-yos apurren un céntimu nin llevando milenta avales... Y les ayudea pa ellos.
(Quedóte mui guapa la bitácora... anque esi siguidor del palu, la túnica y les barbones ¡vaya feísimu que ye!)
Saludos
El bancu ye una empresa más, no ye un gobiernu ni organización de caridá.
Cuando les empreses colgaben el telefonu a cualquier comercial de banco que yos ficiera daque oferta, cuando el sr director paso a ser "manolin" que tenía que invitate a comer pa que ficieres tratu con él. Cuando tu yos ponies peros al preciu que te cobraben...naide decía na, naide decíe les putes que les pasaben esta xente trabayando de media 10h al díi, oxetivos, mirame esi cliente, depresiones, ansiedá, aguanta´l otru que ye babayu pero hay que tragalu...
Agora, quien más lo necesiten son les empreses de construcción...y quien se arriesga??? con 1.000.000 de pisos vacios n´españa, sin rentabilidad especulativa que ye lo que tiraba´l carru, quien me diz a mi que van vender lo que dicen tal como ta la cosa???
y a la xente, con tanta que hay trabayando nesi sector, quien me diz que mañana nun van tar al paro???
Ye fácil criticar...cuando la responsabilidá ye de quien permitio que to la economía española dependiere de un sector como estí y no de una empresa más que yeren los bancos.
"El bancu ye una empresa más, nun ye un gobiernu, nin organización de caridá".
Lo mesmo taría bien que los bancos nun foren unes empreses más, que nun tovieren como únicu horizonte vital el beneficiu (el 73 por cientu de les ganancies de los bancos vienen de les comisiones que cobren a los clientes). Lo mesmo taben meyor en manes del Estáu (del pueblu), pa que el so oxetivu principal fora el serviciu públicu y non el repartu de dividendos.
Lo mesmo taría bien obligar a los bancos a que, n'epoques de crisis, destinaren, que sé yo, el 50 por cientu de los beneficios a dar liquidez a los ciudadanos y a les empreses, a reactivar la economía.
O, polo menos, obligalos a que dexen parte del beneficiu nuna bolsa, nun fondu, pa que, cuando lleguen les vaques flaques, nun tengan los ciudadanos (al través del Estáu) que salir con miles de millones d'euros al so rescate.
O igual non...
l'estau del bienestar ye siempre perversu ,,, y nunca nun favorez a los "mas necesitaos" favorez que tan cerca del poder seyan "obreros sindicaos" o "banquerinos sindicaos" ,,,
de toes formes los mas favorecios nun son los bancos comerciales son les caxes d'aforros ( que vienen a ser lo mesmo ) ... en fin ...
si una empresa ( bancu o non ) nun puede mantenese tien que quebrar , el capitalismu ensin quiebra ye comu el cristianismu ensin infiernu ,,, nun puede funcionar !
Mui atináu'l comentariu, ayalgueru.
Publicar un comentario